Shehar Ke Dukandaron 

Shehar Ke Dukandaro, 

Karobaar-E-Ulfat Mein Sood Kya Ziyan Kya Hai,

Tum Na Jaan Pao Gay

Dil Ke Daam Kitne Hain 

Khuwab Kitne Mehnge Hain 

Aur Naqd-E-Jaan Kya Hai 

Tum Na Jaan Pao Gay

Sheher Ke Dukandaron, Sheher Ke Dukandaron

Koi Kaisay Milta Hai

Phool Kaisay Khilta Hai 

Aankh Kaisay Jhukti Hai 

Saans Kaisay Rukti Hai
Kaisay Reh Nikalti Hai 

Kaisay Baatein Chalti Hai 

Shouq Ki Zabaan Kya Hai, 

Tum Na Jaan Pao Gay

Sheher Ke Dukandaron, Sheher Ke Dukandaron

Wasl Ka Sukoon Kya Hai,

Hijr Ka Junoon Kya Hai,

Husn Ka Fusoon Kya Hai, 

Ishq Ke Daroon Kya Hai
Tum Mareez-E-Danai 

Maslihat Ke Shaydai 

Raah-E-Gumrahan Kya Hai, 

Tum Na Jaan Pao Gay

Sheher Ke Dukandaron, Sheher Ke Dukandaron

Zakhm Kaisay Phaltay Hain 

Daagh Kaisay Jaltay Hain 

Dard Kaisay Hota Hai 

Koi Kaisay Rota Hai
Ashq Kya Hai Nalay Kya 

Dasht Kya Hai Chhalay Kya 

Aah Kya Fughaan Kya Hai, Tum Na Jaan Pao Gay

Sheher Ke Dukandaron, Sheher Ke Dukandaron

Namuraad Dil Kaisay Subah Shaam Kartay Hain 

Kaisay Zinda Rehtay Hain 

Aur Kaisay Martay Hain
Tum Ko Kab Nazar Aayi Ghamzadoon Ki Tanhai 

Zeest Be-Umaan Kya Hai, 

Tum Na Jaan Pao Gay

Sheher Ke Dukandaron, Sheher Ke Dukandaron

Janta Hoon Mein Tum Ko Zouq-E-Shaiyri Bhi Hai 

Shaksiyat Sayjanay Mein Ik Yeh Mahiri Bhi Hai
Phir Bhi Harf Chuntay Ho 

Sirf Lafz Suntay Ho 

In Ke Darmiyaan Kya Hai, 

Tum Na Jaan Pao Gay

Sheher Ke Dukandaron, Sheher Ke Dukandaron

---

Fusuun = Magic
Ranai = Beauty
Masalihat = Prudent Measure, A Good Thing
Shaedai = Lover
Fughaan = Cry Of Distress/Pain, Lamentation